jaa des san jetz de Länder wo i scho war bzw wo i unbedingt moi hi mächad ^^

Mallorca: quasi mei zwoate Heimat ;D Do ware scho.. seeehr oft und fahre a bestimmt no oft hi ^^ In 3 Wocha zum Beispiel wieda *g* Do is einfach wahnsinnig schee und toll und oise und i mog mi jetz moi ganz eingebildet ais NICHT-Pauschal-Malle-Tourist bezeichnen weile eigentlich dort jedn Platz und jedn Weg kenn und in Palma mei Lieblingsgschäft is
Andalusien: Ware letzn Somma fia 3 Wochan und war recht lässig ;D
Gibraltar: Echt saugeil!! Gherd zu England, is aba im Süden vo Andalusien und woah do is so Hammer!! Endsgeil zum eikaffa, Affen gibts und fuatgeh komma do a bis zum Gehtnimma *gg* ;P
Türkei: Ware glabe a scho 2x oda so und do is auf alle Fälle imma subbacool!! Am tolligsten wars wo de Claudi dabei war Ja as Türknland is scho schee und vor allem warm und so ^^
Italien: Hoppala, do ware ja scho lang nimma o_O Aba wia i no gloa war eigentlich jeds Jahr Italien is scho cool =) Gardasee, Adria, Pisa, Toskana und ach jetz foid ma wos ei.. Bis vor 4 Jahr warma no ungefähr 2-3 moi im Jahr in Udine, des is in Norditalien, weil ma do Freunde ghabd ham..
Korsika: A endsgeila Urlaub war des, echt hammerhammerhammer <33 Der Sand auf dera französischen Insl is so weiß und as Wassa so klar und blau - wie wunderbar
Österreich: Ja do ware scho oft, beim Skifahrn, bei da Alex usw.. xD
Tschechien: Ware a amoi wia i no gloa war.. In da Heimatstadt vo meina Oma..
Deutschland: I war scho in.. Schwarzwald, Bayerischer Wald, Rheinland-Pfalz, Hamburg, Hannover usw.. Und in de Sommaferien mach ma eh a riesen Deitschlandfahrt, des wead da Obahamma
Kroatien: Ja mim Auto samma moi nach Croatia gfahrn aba des war jetz ned so da Burner weil mei Oma dabei war und weil de suuubbalästig war, olle gnervt hod und obghaud is XD Na aba Kroatien is an sich scho recht schee =)
Tunesien: Uiuiui die Kamel-Grupp XDD Des war da Club vo meine Cousine und mia und a boa Mädls de wo ma dort kennaglernt ham ^^ Is scho ewigst lang her aba i sogs eich - do hamma Sachan erlebt XD I bin auf am echtn Kamel grittn, hob ma dabei fast ind Hosn gschissn aba runta woite a ned haha.. Dann warma im Sandhaus vo so am Tunesier und ham zwoa Flaschn Muscheln griagd. Außadam hamma an Taucherbrillenjack droffa (i lern in jedm Urlaub irgendwia irgendan Jack kenna +gg+) und do war no irgendwos aba des foid ma ums Varrecka jetz  ned ei =/


und jetz kemma zum Nr. 1 Urlaub

Gardasee: Do ware a scho öftas und i muas imma no song - do is am allerschönsten Da Gardasee is so saucool <33 Vo do aus ko ma nach Verona fahrn und des is oane vo de genialsten Städte übahaupts *g* Und as Gardaland is a dort juhuuu ^^

jap und in folgende Länder moge no..

Mexiko: Do ware eh scho moi FAST dort gwen, aba naja, Hurricane
Südafrika: Aiso damit moane a so Länder de wo im Süden vo Afrika lieng, ned nur des oane Land Einfach so allgemein wos im Süd-Osten vo Afrika liegt, Safari und des olles is einfach nur no geil <3
Australien: Kindheitstrauma, jap, desweng imma no xDD
Schweden: Musiktrauma *gggg* I ko ned in Ruhe sterbn wenne ned wenigstens 1x in Schweden war

Die tollsten Städte <33

München: Üba Minga geht eigentlich gooo nix!! Des is de ollageilste Stadt de wos gibt auf da Welt und i bin so froh dass i do mim Zug schnell dort bin und hach Munich rules ^^
Paris: Und irgendwann fahre nach Paris ^^ Do is einfach olles genial!! Weggeh, Eikaffa, Museen blablabla.. Jep <33
Palma & Sevilla: Zwoa spanische Städte - oane auf Mallorca und oane in Andalusien. San einfach saugeil zum Shoppen, Eisessen, rumschaun ^^